Бразилия терма жамоаси сафида 1970 йилги Жаҳон чемпиони Тостао "Сантос" ҳужумчиси Неймарни танқид қилди, дея хабар беради Бразилия матбуоти.
Таъкидлаб ўтамиз, Бразилия терма жамоаси ўйинчиси Неймар ҳақида бутун дунё футбол жамоатчилиги гапирмоқда. Европанинг кўплаб клублари уни ўз сафида кўришни орзу қилади.
"Неймар, шубҳасиз жуда иқтидорли. Аммо унинг майдондан ташқаридаги ҳаётида артистизм кўп. Бу яққол экстраверт (фақат ташқи дунё ҳақидаги хаёллар билан юрувчи- std.uz ). У мунтазам реклама роликларида чиқиш қилади, қўшиқ айтади ва рақсга тушади. Бу ҳолда футболни унутиб қўйиш мумкин", - дейди Тостао.
