Антонио Конте "Тоттенхэм" мухлисларидан норози.
"Биз мухлисларимизга катта ҳурмат кўрсатишимиз керак, чунки улар чипталар учун пул тўлайдилар. Шу билан бирга, мендан ҳафсалангиз пир бўлдими, деб сўрасангиз, ҳа деб жавоб бераман.
Ҳар бир дақиқада ҳалол бўлиш муҳимдир. Мавсум бошидан бери худди шу нарсани такрорлаяпман. Биз жараённи эндигина бошладик ва бир йил ўтиб биз сезиларли яхшиланишларга эришдик. Кимдир бизни совринларни забт этишга тайёрмиз деб ҳисобласа, ростини айтсам, бу жуда-жуда қийин бўлади.
“Ливерпуль” бунга яққол мисол. Жараён бошлангандан сўнг, вақт ва сабр-тоқат талаб этилади. Агар одамлар буни тушунса, ҳаммаси жойида бўлади.
Биз ғалаба қозона оладиган бошқа жамоалардан йироқмиз ва уларнинг таркиби кучлироқ. Ҳамма ғалаба қозонишни хоҳлайди. Мен биринчи бўлиб ғалаба қозонишни хоҳлайман, лекин бизга вақт беринг ва сабр қилинг. Келинг, мавсум охирида нима бўлишини кўрамиз”, - деди “Тоттенхэм” бош мураббийи.
“Тоттенхэм” АПЛнинг 15-турида ўз майдонида “Ливерпул”га имкониятни бой берди (1:2).