Antonio Konte "Tottenxem" muxlislaridan norozi.
"Biz muxlislarimizga katta hurmat ko‘rsatishimiz kerak, chunki ular chiptalar uchun pul to‘laydilar. Shu bilan birga, mendan hafsalangiz pir bo‘ldimi, deb so‘rasangiz, ha deb javob beraman.
Har bir daqiqada halol bo‘lish muhimdir. Mavsum boshidan beri xuddi shu narsani takrorlayapman. Biz jarayonni endigina boshladik va bir yil o‘tib biz sezilarli yaxshilanishlarga erishdik. Kimdir bizni sovrinlarni zabt etishga tayyormiz deb hisoblasa, rostini aytsam, bu juda-juda qiyin bo‘ladi.
“Liverpul” bunga yaqqol misol. Jarayon boshlangandan so‘ng, vaqt va sabr-toqat talab etiladi. Agar odamlar buni tushunsa, hammasi joyida bo‘ladi.
Biz g‘alaba qozona oladigan boshqa jamoalardan yiroqmiz va ularning tarkibi kuchliroq. Hamma g‘alaba qozonishni xohlaydi. Men birinchi bo‘lib g‘alaba qozonishni xohlayman, lekin bizga vaqt bering va sabr qiling. Keling, mavsum oxirida nima bo‘lishini ko‘ramiz”, - dedi “Tottenxem” bosh murabbiyi.
“Tottenxem” APLning 15-turida o‘z maydonida “Liverpul”ga imkoniyatni boy berdi (1:2).
