"Арсенал" бош мураббийи Микель Артета клуб раҳбариятидан январь ойидаёқ "Лестер" ярим ҳимоячиси Юри Тилемансни сотиб олишни сўради.
Артета мавсумнинг иккинчи ярми учун таркибни кучайтириш мақсадида, январь ойидаги трансфер бозорида янги футболчи харид қилмоқчи.
Микель қишки мавсумда ўз таркибига қўшмоқчи бўлган футболчилардан бири бу Тилеманс бўлиб, у мавсум охирида шартномаси тугаши сабабли, трансфер нархи пасайтирилиши мумкин.
Бироқ, The Sun нашри хабарига кўра, бир кун аввал АПЛда жорий мавсумдаги учинчи голини урган 25 ёшли бельгиялик учун курашда "канонирлар" Англиянинг бошқа клуби ва А Сериянинг икки вакили билан рақобат қилишлари керак.
