“Реал Мадрид” президенти Флорентино Перес "European Golden Boy 2022" талқини бўйича 2022 йилнинг энг яхши президенти деб топилди. Бу ҳақда испан клуби матбуот хизмати расмий сайтида хабар берди.
Биринчи марта Перес 2000 йилда "Реал Мадрид" президенти бўлди, кейин унинг қўл остидаги жамоа даври "галактикос" деб атала бошланди. Бунга клубнинг харидлари сабаб бўлди: Луиш Фигу, Роналдо, Зинедин Зидан, Девид Бекхэм, Майкл Оуэн ва Робиньо Перес президентлик қилган йилларда "Реал" футболчиларига айланишди. 2006 йилнинг февралида у Чемпионлар лигасида "Арсенал"га ва Испания чемпионатида "Мальорка"га мағлуб бўлганидан кейин истеъфога чиқди.
Переснинг иккинчи муддати 2009 йилдан бери давом этмоқда. Сайловдан кейинги дастлабки ойларда 2007 ва 2008 йилларда "Олтин тўп" соҳиби бўлган Кака ва Криштиану Роналду "Реал Мадрид" футболчисига айланишди.
