"Ганновер-96" клуби дарвозабони Рон-Роберт Цилер фаолиятини "Ливерпуль"да давом эттирмоқчи. Ингилиз клуби Алиссонга ўринбосар изламоқда, дея хабар берди GOAL. Манбага кўра, мерсисайдликлар Адриан билан шартномани узайтирмайди ва у 2023 йилда жамоани тарк этади. Шунингдек, Кивин Келлехер ижарага бериб юборилиши мумкин. Цилернинг немис клуби билан шартномаси жорий мавсум якунида тугайди.
33 ёшли Цилер "Кёлн" тарбияланувчиси. 2005 йилдан 2010 йилгача у "Манчестер Юнайтед" таркибида бўлган ва жамоа учун тўққизта ўйин ўтказган. Англияда у шунингдек бир мавсумни "Лестер"да ўтказди.
Эслатиб ўтамиз, Цилер Германия терма жамоаси сафида 2014 йилги жаҳон чемпиони ҳисобланади, бироқ у турнир ўйинларида иштирок этмаган. Дарвозабон 2011 йилда терма жамоадаги дебютини ўтказган ва олтита учрашувда иштирок этган.
