Лондоннинг "Челси" клуби бош мураббийи Грем Поттер жароҳат олган Рис Жеймснинг Қатарда бўлиб ўтадиган жаҳон чемпионатига бориш имкониятларини юқори баҳолади.
"Рис бугун бир оз югуриш учун чиқди. Уни жаҳон чемпионатида кўриш имконияти қандай? Менимча, барчаси унинг танасининг тикланишига бўлган реакциясига боғлиқ. Биз шошқалоқлик қилишни хоҳламаймиз ва мен ҳеч қандай вақт оралиғини белгиламоқчи эмасман", - дея "аристократлар" мураббийининг сўзларини келтиради Goal нашри.
Эслатиб ўтамиз, ўнг қанот ҳимоячиси бир ой олдин Чемпионлар лигаси доирасида "Милан"га қарши ўйинда жароҳат олиб, сафдан чиққанди.
