Londonning "Chelsi" klubi bosh murabbiyi Grem Potter jarohat olgan Ris Jeymsning Qatarda bo‘lib o‘tadigan jahon chempionatiga borish imkoniyatlarini yuqori baholadi.
"Ris bugun bir oz yugurish uchun chiqdi. Uni jahon chempionatida ko‘rish imkoniyati qanday? Menimcha, barchasi uning tanasining tiklanishiga bo‘lgan reaksiyasiga bog‘liq. Biz shoshqaloqlik qilishni xohlamaymiz va men hech qanday vaqt oralig‘ini belgilamoqchi emasman", - deya "aristokratlar" murabbiyining so‘zlarini keltiradi Goal nashri.
Eslatib o‘tamiz, o‘ng qanot himoyachisi bir oy oldin Chempionlar ligasi doirasida "Milan"ga qarshi o‘yinda jarohat olib, safdan chiqqandi.
