Чемпионатдаги қийин стартдан сўнг “Ювентус” қаторасига тўртта ғалабани қўлга киритди, жумладан, “Интер” билан ўн учинчи тур учрашувида. Ўз вақтида ҳам "Интер"да, ҳам "Ювентус"да ўйнаган италиялик собиқ тўпурар Кристиано Виерининг фикрича, бу "Юве"нинг чемпионлик учун курашга қайтганидан далолатдир.

"Ҳозирги чемпионат шундайки, ҳамма нарса бўлиши мумкин. "Наполи" мағлуб бўлмайдигандек кўринади, аммо қайсидир нуқтада очко йўқотишни бошлаши мумкин. "Ювентус" кетма-кет тўртта ўйинда ғалаба қозонди ва менимча, у билан эҳтиёт бўлиш керак, улар чемпионлик пойгасига қайтишаётганга ўхшайди", деб Виери сўзларини келтирмоқда calcionapoli1926.it.