Chempionatdagi qiyin startdan so‘ng “Yuventus” qatorasiga to‘rtta g‘alabani qo‘lga kiritdi, jumladan, “Inter” bilan o‘n uchinchi tur uchrashuvida. O‘z vaqtida ham "Inter"da, ham "Yuventus"da o‘ynagan italiyalik sobiq to‘purar Kristiano Viyerining fikricha, bu "Yuve"ning chempionlik uchun kurashga qaytganidan dalolatdir.
"Hozirgi chempionat shundayki, hamma narsa bo‘lishi mumkin. "Napoli" mag‘lub bo‘lmaydigandek ko‘rinadi, ammo qaysidir nuqtada ochko yo‘qotishni boshlashi mumkin. "Yuventus" ketma-ket to‘rtta o‘yinda g‘alaba qozondi va menimcha, u bilan ehtiyot bo‘lish kerak, ular chempionlik poygasiga qaytishayotganga o‘xshaydi", deb Viyeri so‘zlarini keltirmoqda calcionapoli1926.it.
