"Барселона" бош мураббийи Хави Испания чемпионатининг 14-тури доирасида "Осасуна"ни мағлуб этганидан сўнг (2:1) ЖЧ-2022 олдидан Испания терма жамоасига мурожаат қилди.
“Луис Энрике ажойиб мураббий, мен уни яхши кўраман, у Испания терма жамоасида ажойиб ишлайди. Фурсатдан фойдаланиб, Испания терма жамоасига жаҳон чемпионатида омад тилайман", - дея Хавининг сўзларини келтиради Barca time.
“Барселона” 37 очко билан Ла Лигада биринчи ўринда, “Осасуна” эса 23 очко билан 6-ўринда бормоқда.
Қатардаги жаҳон чемпионати 20 ноябрдан 18 декабрга қадар бўлиб ўтади. Испания гуруҳ босқичида Германия, Япония ва Коста-Рика билан ўйнайди.
