"Барселона" ҳужумчиси Роберт Левандовски Испания чемпионатининг 14-тури доирасида "Осасуна" устидан қозонилган ғалабадан сўнг ижтимоий тармоқларда ўз фикрларини билдириб ўтди. Польшалик ҳужумчи бу учрашувда майдондан четлатилди.
"Ажойиб иш учун жамоани табриклайман", - деди 34 ёшли тўпурар ўз постида.
Эслатиб ўтамиз, учрашув Хави Эрнандес шогирдларининг 2:1 ҳисобидаги иродали ғалабаси билан якунланган эди.
14-тур якунларига кўра, "Барселона" 37 очко жамғариб, Испания чемпионати турнир жадвалида пешқадамлик қилмоқда. Каталонияликлар иккинчи ўриндаги "Реал"дан 5 очко олдинда.
