2022/23 йилги мавсум бошланганига кўп бўлгани йўқ, лекин кўплаб ўйинчилар аллақачон муаммоларга дуч келишмоқда. Баъзилар учун умумий бахтсизлик - бу ўйин вақтининг етишмаслиги, гарчи баъзида ўйинчи ўз клубидан савия жиҳатидан юқори турадиган ҳолатлар ҳам мавжуд.
Футболчилар қийин дамларни бошидан кечирадиган ҳолатлар бўлиб туради. Аммо ёқимсиз вазият давом этса, улар жамоадан кетиш ҳақида ўйлаши мумкин, айниқса трансфер ойнаси Жаҳон чемпионати тугаганидан кейин очилади. Келинг, жамоасини ўзгартириши керак бўлган юлдузларни кўриб чиқамиз.
Эден Азар
2019 йилда "Реал Мадрид"га ўтганидан бери Азар муваффақиятсизликларга дуч келди. Шунинг учун у деярли муҳокама қилинмай қўйди. Эден доимо олдинги даражага қайтиш нияти ҳақида гапиради, лекин ҳеч нарса содир бўлмайди.
Азар 31 ёшда. Сўнгги 2 йил ичида у Ла Лигада атиги 3 та гол урди. Бу 115 миллион евро учун футболчидан кутилган нарса эмаслиги аниқ. Белгиялик футболчи ҳамон "Реал"да ўйнашга умид қилмоқда, аммо вақт у томонда эмас. Эден яна бир неча йиллик фаолиятини йўқотишни истамаса, клубини ўзгартириш ҳақида ўйлаши керак.
Мариано Диас
Жамоада ўрни йўқдек туюлган яна бир "Реал" футболчиси. Умуман олганда, Марианонинг ҳали ҳам “Сантяго Бернабеу”да қолаётгани ғалати. Қолаверса, бу ҳолат футболчи учун 4 йилдан бери давом этмоқда.
Карим Бенземани асосий таркибдан чиқариб юбориш имконияти йўқ, франциялик футболчи жароҳат олганида эса мураббий бошқа футболчиларга устунлик беради. Мариано "Лион"да яхши ҳужумчи эди. Энди у бошқа клубга ўйнаш кетмаса, бутунлай унутила бошлайди.
Харри Магуайр
Магуайр дунёнинг энг қиммат ҳимоячиларидан бири мақомида "Лестер"дан "Манчестер Юнайтед"га ўтди. Бу катта муваффақият эди, бу футболчи учун сардорлик боғичи ва Англия терма жамоасидаги юқори мақом билан мустаҳкамланди. Аммо қайсидир вақтда футболчининг фаолияти пасайиб кета бошлади.
Бир нечта муваффақиятсиз ўйинлар Магуайрни жиддий танқид қилинишига олиб келди. Вақт ўтиши билан хатолар кўпайди, ҳимоячига босим кучайди. Ҳар бир футболчи ўз мухлислари томонидан қадрсизланса, ўзини ишончли ҳис қила олмайди. Муҳитни ўзгартириш ҳақида ўйлаш вақти келди. Эҳтимол, бошқа, камроқ мақомга эга клубда Магуайр ўзига бўлган ишончни қайтариб олиб, фаолиятини қайта бошлаши мумкин.
Кейлор Навас
"ПСЖ" бош мураббийи этиб тайинланганидан кўп ўтмай, Кристоф Галтье Жанлуижи Доннарумма жамоанинг биринчи рақамли дарвозабони бўлишини эълон қилди. Навас, албатта, бу мавсумда кўп ўйнамаслигини тушунди, лекин барибир Парижда қолди.
Жорий мавсумда коста-рикалик майдонга тушмаган. Чемпионлар лигасининг уч карра ғолиби учун ўтган ёзда бошқа клубларда имкониятлари бўлгани ҳолатни яна-да тушкун қилади. Навас қишда фикрини ўзгартириши мумкин, чунки унинг юқори савияда ўйнаш учун кўп вақти қолмаган.
Жеймс Мэддисон
Мэддисон Англия чемпионатининг турли дивизионларида ўйнаган. Ярим ҳимоячи Премьер-лигада яхши ҳаракат қилмоқда. Ҳар мавсумда у гол+пас тизимида доимий равишда 10 ёки ундан ортиқ очко тўплайди. Жеймс 2018 йилдан бери "Лестер Сити"да ўйнайди. "Тулкилар" билан бирга футболчи Англия кубоги ва Суперкубогини қўлга киритди.
Бундай футболчи ҳар мавсум совринлар учун - ҳеч бўлмаганда Чемпионлар лигасига кириш учун курашиши керак бўлган клубда ўйнаши керак. "Лестер" бош мураббийи Брендан Рожерс ҳам буни тушунади. Мутахассиснинг тан олишича, "тулкилар"га қишда ярим ҳимоячини олиб қолиш қийин бўлади. Шубҳасиз, Меддисон ҳам чемпионатда қолиш учун эмас, балки совринлар учун курашишни афзал кўради.
Жоау Феликс
Феликс 2019 йилнинг ёзида "Бенфика"дан "Атлетико Мадрид"га 127 миллион евро эвазига ўтган эди. Аммо бундай юқори нарх футболчига фойда келтирмаган. Мадриддаги 3 йил давомида ҳужумчи бир мавсумда Ла Лигада 10 та гол ура олмаган. Бундан ташқари, унинг майдондаги ўйин вақти ҳам камайиб бормоқда. Лекин бошиданоқ португалиялик Диего Симеоненинг ўйин тизимига мос келадими, деган шубҳалар бор эди.
"Атлетико"дагиларнинг айтишича, уларнинг ҳали ҳам Феликсдан умидлари катта, аммо бунга ишониш қийин. Альваро Мората ва Антуан Гризманндан мураббий анчагина қониқиш ҳосил қилганини инобатга олсак, унинг кетгани маъқул. Португалиялик ҳали ёш ва истиқболли, шунинг учун уни муносиб пулга сотиш мумкин.
