"Реал Мадрид" президенти Флорентино Перес Карло Анчелотти Мадрид клуби учун энг яхши мураббий эканлигини айтди.
"Карло Анчелотти - "Реал Мадрид"нинг энг яхши бош мураббийи. У мукаммал, чунки у бизнинг қадриятларимиз ва ғояларимизни тушунади ва ўйинчиларни худди шундай ҳис қилади. Бизнинг муносабатларимиз ажойиб ва у биз учун энг зўр мураббий”, - дея Перес сўзларини келтиради Tuttosport.
63 ёшли мураббий 2013 йилдан 2015 йилгача “Реал”ни бошқарган. 2021 йилнинг июль ойида у испан клуби бош мураббийи лавозимига қайтди. Унинг қўл остида мадридликлар Испания чемпионати, Чемпионлар лигаси ва Европа Суперкубогида ғолиб чиқди.
Анчелотти билан шартнома 2024 йилгача мўлжалланган.
