АҚШ терма жамоасининг баскетболчиси Коби Брайант испан журналистлари билан суҳбатда Мессининг ўйинларидан завқ олишини ва уни тарихда энг яхши футболчи эканини айтди.
"Менга Месси билан учрашиш ва унга бир-икки оғиз гап айтиш насиб қилади деб ўйлайман. Унда футбол тарихида энг яхши ўйинчи бўлиш учун барча имкониятлар бор", - дея Брайантнинг сўзларини келтиради Goal.com.
Шунингдек, НБАнинг беш карра чемпиони Италия футболининг катта мухлиси эканини ҳам қўшимча қилди, унинг ёшлиги Аппенин ярим оролида ўтган.
"Мен Италиядалик пайтларим "А" серияси энг яхши чемпионат эди. У ерда Диего Марадона мўъжизалар қилар эди, Марко ван Бастен, Рууд Гуллит, Франк Райкаард, Роберто Баджо, Паоли Мальдини - "А" серияси энг яхши ўйинчиларни жамлаган буюк лига эди".
