ОФК Ижроия қўмитаси ОФК Мусобақалар қўмитасининг ОФК Чемпионлар Лигаси ярим финал саналарига ўзгартириш киритиш тўғрисидаги қарорини маъқуллади.

Агар Саудия Арабистонининг «Ал-Иттиҳод» клуби Осиё Чемпионлар Лигаси ярим финал босқичи йўлланмасини қўлга киритса, мусобақа ўйинлари тақвимига ўзгартириш киритилиши мумкин. Саудия Арабистони футбол федерациясининг 9 июндаги хатига асосан, ОФК Мусобақалар қўмитаси 18 июль куни қабул қилган қарорни 19 июль куни ОФК Ижроия қўмитаси маъқуллади. Унда, жумладан, шундай дейилади:

«Агар Саудия Арабистони клуби ОФК Чемпионлар Лигаси ярим финалига чиқса ва 2012 йилнинг 24 октябрь кунига белгиланган дастлабки ўйинни ўз майдонида ўтказишига тўғри келса, мамлакатингизда Ҳаж мавсуми сабаб, Қўмита ўйин муддатини 24 октябрдан 22 октябрга кўчиришни маъқуллайди».

ОФК Чемпионлар Лигаси ярим финал ўйинлари 24 ва 31 октябрь кунлари бўлиб ўтади. Ярим финал йўлланмасини учун айни вақтда тўртта жуфтлик – «Ал-Иттиҳод» (Саудия Арабистони) – «Гуангчжоу Эвергранд (Хитой), «Сепоҳон» (Эрон) – «Ал-Аҳли» (Саудия Арабистони), «Аделаида Юнайтед» (Австралия) – «Бунёдкор» (Ўзбекистон), «Ульсан Хёнде» (Жанубий Корея) – «Ал-Ҳилол» (Саудия Арабистони) баҳс олиб боради. Чорак финал баҳслари 19 сентябрь ва 2 октябрь кунларига белгиланган.

Ярим финалда дастлаб «Ал-Иттиҳод»/»Гуангчжоу» жуфтлиги ғолиби «Сепоҳон»/»Ал-Аҳли» ғолибига қарши майдонга тушса, «Аделаида Юнайтед»/»Бунёдкор» ғолиби «Ульсан»/»Ал-Ҳилол» ғолибига қарши майдонга тушади.