"Манчестер Сити" бош мураббийи Хосеп Гвардиола "Фулхэм"га қарши кечган АПЛ ўйинидаги ғалаба голидан сўнг ўз фикрларини билдириб ўтди.
Эслатиб ўтамиз, “шаҳарликлар” 95-дақиқада Эрлинг Холанднинг тўпи билан 2:1 ҳисобида иродали ғалабага эришган эди. Учрашувнинг асосий қисмини Англия чемпионлари озчиликда ўтказишди.
"Бундай дамларда мен нима учун бу иш билан шуғулланаётганимни ва нега "Манчестер Сити" мураббийи бўлиш шараф эканлигини тушунаман", - дейди Пеп.
Англия премьер-лигасининг 13-туридан кейин “шаҳарликлар” “Арсенал”дан икки очко ортда қолиб, иккинчи ўринда бормоқда.
