"Барселона" ҳимоячиси Жерар Пике фаолиятидаги сўнгги ўйинда клубнинг антирекордини такрорлади. Қизиғи, бунинг учун у майдонга тушиши ҳам шарт бўлмади.

Испаниялик футболчи “Осасуна” (2:1) билан ўйинни захирада бошлаган бўлса, танаффусда ҳакам Хесус Гил Манзано билан баҳслаша бошлади ва бунинг учун қизил карточка олди.

Статистикларнинг ҳисоб-китобига кўра, 35 ёшли футболчи учун четлатилган каталонияликлар сафидаги 11-ўйин бўлди. Бу кўрсаткич бўйича Пике Христо Стоичковнинг клуб антирекордини такрорлади. Қизиғи, бу рейтингда учинчи ўринни Пеп Гвардиола эгаллаб турибди - 9 та қизил карточка.