Сербиялик ҳужумчи Душан Влахович Италия чемпионатининг 14-туридан ўрин олган "Верона"га қарши ўйинда "Ювентус"нинг қайдномасидан жой олиши мумкин. Бу ҳақда матбуот анжуманида “кекса синьора” устози Массимилиано Аллегри маълум қилди.
“Душанда муаммолар бор эди, лекин ҳозир у ўзини анча яхши ҳис қилмоқда. У аллақачон машғулотларда қатнашмоқда. Биз унинг фаолиятини диққат билан кузатиб борамиз. Влаховични бўлажак ўйин учун таркибга киритишини инкор этмайман", - деди Аллегри Football-Italia билан суҳбатда.
"Верона" - "Ювентус" учрашуви бугун, 10 ноябрь куни Тошкент вақти билан 22:30 да бошланади.
