Мадриднинг “Атлетико” клуби бош мураббийи Диего Симеонени истеъфога чиқармоқчи. Журналист Николо Скиранинг ёзишича, “матрасчилар” раҳбарияти аргентиналик мутахассиснинг ўрнига Испания терма жамоаси бош мураббийи Луис Энрике ёки “ПСЖ” собиқ устози Маурисио Почеттинони таклиф этиш ҳақида ўйламоқда.
"Атлетико" кетма-кет 5 учрашувдан бери барча мусобақаларда ғалаба қозона олмаяпти. Шунингдек, жамоа “Порту”, “Байер” ва “Брюгге” билан гуруҳ босқичида муваффақиятсизликка учраб, Чемпионлар лигасидан чиқиб кетди.
Симеоне 2011 йилнинг декабрь ойида "Атлетико"ни қабул қилиб олган. Ўшандан бери Аргентиналик мураббийнинг қўл остида жамоа икки марта Испания чемпионлиги ва Европа Лигаси ғолиби бўлган, шунингдек, икки марта Чемпионлар Лигаси финалида ўйнаган.
