Ҳужумчи Мауро Икарди Кристоф Галтьенинг режаларига киритилмаганлиги сабабли, ёзги трансфер ойнасида у сотиб олиш шартисиз "ПСЖ"дан "Галатасарой"га ижарага ўтди. Истанбул клуби президенти Турсун Ўзбек 29 ёшли аргентиналик футболчини француз грандидан сотиб олишга тайёрлигини маълум қилди.
Агар "ПСЖ" Икардини сотмоқчи бўлса ва унинг клуби талаблари бизнинг иқтисодий имкониятларимизга мос келса, "Галатасарой" заррача иккиланмай Икарди каби жаҳон юлдузи билан шартнома имзолайди, - деди Ўзбек TRT Spor билан суҳбатда.
Мауро Икарди "Галатасарой" таркибида бешта ўйинда учта гол урди ва жамоадошларига битта голли узатма берди.
