Аммандаги бокс бўйича Осиё чемпионатининг энг оғир икки вазн тоифасида ҳам Ўзбекистон ва Қозоғистон вакиллари ўзаро тўқнаш келишди.

92 кг.гача бўлган вазнда Мадияр Саидраҳимов қозоғистонлик боксчи Айбек Оралбайга қарши рингга кўтарилиб, имкониятни бой бериб қўйди — 0:5 (27:28, 27:28, 27:28, 26:29, 26:29). Шу тариқа, Мадияр қитъа чемпионатида кумуш медалга сазовор бўлди.

Энг оғир вазнда (92+ кг.) Баҳодир Жалоловнинг асосий рақиби бўлган Қамшибек Қўнқабаев ўзбекистонлик Лазизбек Мулложонов билан тўқнаш келди. Ҳамюртимиз барча раундларда рақибидан устун келди — 5:0 (29:28, 30:27, 29:28, 30:27, 29:28). Шу тариқа, Мулложонов Осиё чемпиони унвонини қўлга киритди.

Ўзбекистон эркаклар терма жамоаси Осиё чемпионатини 5 олтин, 2 кумуш ва 3 бронза билан якунлади.