Суперлиганинг сўнгги туридан ўрин олган “Бунёдкор” – “Пахтакор” (0:2) учрашувидан кейин "қалдирғочлар" устози Иван Бошкович ўз фикрлари билан ўртоқлашди.

"Ўйин ҳақида нима дейишим мумкин? “Пахтакор”ни ҳақли ғалабаси билан табриклайман! Биз учрашув учун ишлаб чиққан режаларимизни амалга ошира олмадик. Рақиб дастлабки дақиқаларданоқ бизнинг жарима майдончамизда пайдо бўлишди. Вазиятларни юзага келтиришди ва дарвозамизни ишғол қилишди. Иккита гол ўтказиб юборганимиздан қийин бўлиши аниқ эди ва шундай ҳам бўлди. Тактикани ўзгартирдик, тўпни кўпроқ назорат қилдик. Ҳисобни қисқартириш учун имконият ярата олдик. Таркибда ўзгаришларни амалга оширдик. Умумий хулоса шуки, руҳий томондан кучсизроқ кўриндик. Қолаверса, “концентрация”миз яхши бўлмади, айниқса, биринчи бўлимнинг дастлабки йигирма дақиқасида", — деди Бошкович.