24 июль куни «Машъал» жамоамиз «Жар» стадионининг иккинчи майдонида «Металлург» қарши ўртоқлик учрашувини ўтказиб 6:1 ҳисобида ғалаба қозонди. Ўйиндан кейин жамоа аъзолари бир кун Тошкентда қолиб, бугун яна Янгиерга қайтиб кетишди. Бизга маълум бўлишича, муборакликлар 1 августга қадар Янгиерда бўлишади.
Хабарингиз бор, 29 июль куни Ўзбекистон Кубогининг чорак финалидан ўрин олган «Машъал» ва «Бунёдкор» ўртасидаги жавоб баҳси ўтказилади. Бу ўйин Муборакда эмас, балки Янгиер шаҳрида бўлиб ўтади. 1 август куни эса футболчиларимиз олий лиганинг 14-турини ўтказиш учун Наманганга жўнаб кетишади.
