"Брайтон" ярим ҳимоячиси Леандро Троссардга "Челси" қизиқиш билдирмоқда, дея хабар беради Metro.
Манбага кўра, "кўклар" бош мураббийи Грэм Поттер ўзининг собиқ жамоасидан бир нечта истиқболли футболчиларни, жумладан Троссардни ҳам сотиб олмоқчи. Бельгиялик ҳужумчи таклиф қилинса, "Челси"га ўтишга қарши бўлмайди.
27 ёшли футболчи 2019 йилдан буён "Брайтон"да ўйнаб келмоқда. 2022/23 йилги мавсумда у Премьер-лигада 13 та ўйинда майдонга тушиб, 7 та гол урди ва 3 та голли узатмани амалга оширди.













