"Манчестер Юнайтед" бош мураббийи Эрик тен Хаг жамоа ҳимоячи Харри Магуайрни ёзги трансфер ойнасида сотишни истамоқда, деб хабар беради The Telegraph.
Манба берган хабарга кўра, нидерландиялик мутахассис 29 ёшли футболчининг "секин суръати"ни муаммо сифатида кўрмоқда ва марказий ҳимоячилар Рафаэль Варан ҳамда Лисандро Мартинес жуфтлигига ҳақиқий рақобат қўшмоқчи.
Тен Хаг, шунингдек, шартномаси 2022/23 йилги мавсум охирида тугайдиган бразилиялик ярим ҳимоячи Фредни ҳам қўйиб юборишга тайёр.
Олдинроқ "Манчестер Юнайтед" Магуайрни қишки трансфер ойнасида сотишга тайёрлиги ва унинг учун 30 миллион евро олишни исташи ҳақида хабар берилганди.
Жорий мавсумда англиялик манкунианликлар сафида тўққизта ўйинда қатнашди. Унинг клуб билан шартномаси 2025 йилнинг 30 июнига қадар амал қилади.













