«Вест Хэм» бош мураббийи Дэвид Мойес яқин орада истеъфога чиқарилмайди.
Ўтган мавсумни ажойиб ўтказгандан сўнг, жамоа бу йилни Премьер-лиганинг 15 ўйинида атиги тўртта ғалаба билан бошлади.
Лондонликлар чемпионатнинг сўнгги беш ўйинининг тўрттасида мағлуб бўлиб, қуйи лигага тушиш зонасига яқинлашиб қолишди, Мойеснинг четлатилиши ҳақидаги миш-мишлар ОАВда янада фаолроқ тарқала бошлади.
Нуфузли BBC Sport нашрининг ёзишича, айни дамда «Вест Хэм» раҳбарияти шотландиялик мутахассис билан хайрлашиш ниятида эмас.
«Болғачилар» навбатдаги ўйинни турнир жадвалида пешқадам - «Арсенал»га қарши ўтказишади. Учрашув 26 декабрь куни бўлиб ўтади.
