"Манчестер Юнайтед" ва Дания терма жамоаси ярим ҳимоячиси Кристиан Эриксен 2022 йилги жаҳон чемпионатининг мавсум ўртасида Қатарда ўтказилиши ҳақида фикр билдирди.
"Бруну Фернандешнинг жаҳон чемпионати ҳақидаги сўзлари? Мен унинг фикрига тўлиқ қўшиламан. Жаҳон чемпионати нима учун Қатарда ўтказилиши жуда қизиқ. Турнирни бу ерда ўтказиш тўғрисидаги қарор нотўғри бўлганига ҳамма ишонч ҳосил қилган. Лекин биз футболчимиз, футбол ўйнаймиз. Қарорларни биз эмас, юқоридаги кимдир қабул қилади. Албатта, биз нимадир демоқчимиз ва мусобақага эътибор қаратиш учун қўлимиздан келган барча ишни қиляпмиз. Аммо кимдир ўзгаришларни амалга ошириши керак", - деди Эриксен.
Маълумот ўрнида, Қатардаги жаҳон чемпионати турнир тарихида илк бор мавсум ўртасида ўтказилган мусобақа бўлади.
