Мадриднинг “Реал” клуби ярим ҳимоячиси Тони Крооснинг келажаги ҳозирда ноаниқ бўлиб туриди. “Қаймоқранглилар” ҳали ҳам ярим ҳимоячига янги шартнома таклиф қилиш ёки бермаслик ҳақида ўйлашмоқда, немиснинг ўзи эса унинг жисмонан юқори даражадаги ўйинларга дош беришга тайёрлигига шубҳа қилмоқда.
Sport.es хабарига кўра, "Манчестер Сити" футболчи билан аллақачон алоқага чиқа бошлаган ва ноаниқликдан фойдаланишга тайёр.
Крооснинг амалдаги шартномаси 2023 йилнинг июнида тугайди, яъни футболчи 1 январь куни бошқа клублар билан музокара олиб бориши мумкин. Маълум қилинишича, "шаҳарликлар" 33 ёшли футболчига юқори маош таклиф қилишга тайёр - йилига тахминан 13-14 миллион евро.
Англия клуби бош мураббийи Хосеп Гвардиола ҳам "Бавария"да бирга ишлаган футболчиси билан ишлашни истайди.
Кроос жорий мавсумда "Реал" сафида 18 та ўйинда майдонга тушди. Ярим ҳимоячида битта гол ва тўртта голли узатма бор.
