Мадриднинг “Атлетико” клуби еврокубоклардан чиқиб кетганидан кейин молиявий муаммога дуч келди. Чемпионлар лигасини тарк этиши туфайли “матрасчилар” бюджетидан 30 миллион еврога яқин маблағ йўқотади, бошқа иқтисодий муаммолар билан бирга клубга 60 миллион евро етишмайди. Sport.es маълумотларига кўра, бу ҳолатдан чиқишнинг ягона йўли. жамоа қишда сотувни ташкил қилиши керак.
Молиявий йўқотишлар туфайли клуб футболчилардан бирини трансферга қўйишга мажбур бўлади. Гап Хосе Хименес, Анхель Корреа, Матеус Кунья ва Тома Лемар каби футболчилар ҳақида кетмоқда. Шунингдек, агенти "ПСЖ" ёки Англия Премьер-лигаси клубларидан бирига ўтишни ташкил қилмоқчи бўлган Жоау Феликс билан боғлиқ вазият ҳам қийин.
"Атлетико" 14 турдан кейин 24 очко билан Ла Лига турнир жадвалида тўртинчи ўринда бормоқда.
