Уго Льорис ЖЧ-2022да «камалак» сардорлик боғични тақиш-тақмаслиги ҳақида гапирди.
Аввалроқ Франция футбол федерасияси президенти Ноэль Ле Гре миллий терма жамоа сардорининг Қатарда камалакча боғич тақиб юришни истамаслигини айтганди.
«Биринчи навбатда, бирор нарса қилишдан олдин ФИФА ва Франция футбол федерациясининг розилиги керак.
Албатта, ўзимнинг шахсий фикрим бор ва бу Президент фикрига маълум даражада тўғри келади.
Францияда чет элликларни қабул қилганимизда, биз кўпинча улар бизнинг қоидаларимиз бўйича ўйнашларини ва маданиятимизни ҳурмат қилишларини хоҳлаганмиз.
Қатарга борганимда ҳам шундай қиламан. Уларнинг ғояларига қўшиламанми ёки қўшилмайманми, уларга ҳурмат кўрсатишим керак”, — дейди «Тоттенхэм» дарвозабони.
