"Барселона"нинг эркин агентларни қўлга киритиш стратегияси 2023 йилнинг ёзида ҳам ўз фаолиятини давом эттиради.

"Кўк-анорранглилар"нинг бу мавсумдаги барча асосий мақсадлари Англия Премьер-лигасидаги эркин агентга айланадиган ярим ҳимоячилар бўлади. Гап Илкай Гюндоган (Манчестер Сити), Юри Тилеманс (Лестер), НГоло Канте (Челси) ва Жоржиньо (Челси) ҳақида кетмоқда. Бу ҳақда CaughtOffside хабар берди.

Аввалроқ, Гюндоган билан шартнома имзолаш "Барселона" учун устувор вазифа эканлиги ҳақида маълумотлар бор эди. Агар германиялик футболчининг трансфери муваффақиятсиз якунланса, клуб бор эътиборини Тилеманснинг трансферига қаратиш ниятида.