"Бавария" ҳимоячиси Бенжамин Павар жамоани тарк этса, янги клубида қанотда эмас, ҳимоя марказида ўйнашни хоҳлашини тан олди.
“Мен Германияда етти йилдан бери ўйнаяпман, "Штутгарт"да кўплаб дўстларим бор ва “Бавария” билан ҳамма нарсани ютганман. Мен ғалаба қозониш учун ўйнайман ва марказий ҳимоячи сифатида янги лойиҳаларни кўриб чиқишга тайёрман", - дея Павар сўзларини келтиради Football Italia.
Аввалроқ Павар хизматларига "Милан" ва "Реал" қизиқиш билдираётгани ҳақида хабарлар тарқалган эди.
Ҳимоячининг "Бавария" билан шартномаси 2024 йилгача мўлжалланган. Жорий мавсумда у 20 та ўйинда майдонга тушиб, 4 та гол урди.
