"Челси" ва Англия терма жамоасининг собиқ ҳимоячиси Гари Кэхилл 36 ёшида фаолиятини якунлаганини эълон қилди.
"Челси" таркибида ҳимоячи икки марта Англия чемпиони, икки марта Европа Лигаси, шунингдек, Чемпионлар Лигаси ғолибига айланган. Машҳур инглизнинг сўнгги клуби ўтган ёзда тарк этган "Борнмут" эди. Шунингдек, футболчилик фаолиятида “Астон Вилла”, “Бёрнли”, “Шеффилд Юнайтед”, “Болтон”, “Кристал Пэлас” каби жамоалар ҳам бор эди.
Кэхилл ўтган мавсумда "Борнмут" сафида 22 та ўйинда майдонга тушиб, 1 та голли узатмани амалга оширган. Англия терма жамоаси таркибида ҳимоячи 61 учрашувда бешта гол уришга муваффақ бўлган.
