Гана терма жамоаси Қатарга барча иштирокчилар орасидан энг ёш жамоани олиб келади.
Гана терма жамоасига киритилган футболчиларнинг ўртача ёши бор-йўғи 23,5 ёшни ташкил этади, дея хабар беради The Athletic.
Рўйхатнинг иккинчи ўрнини АҚШ ва Эквадор жамоалари эгаллаб турибди жамоаларнинг ўрта ёши 24. Жаҳон чемпионатининг асосий фаворитлари қаторидан жой олган жамоалар орасидан энг ёш таркиб амалдаги жаҳон чемпионлари – французлар 25 ёш.
ЖЧ-2022 Қатарда 20 ноябрдан 18 декабрга қадар бўлиб ўтади. Очилиш учрашувида Қатар Эквадор билан куч синашади. Гана терма жамоаси жаҳон чемпионатидаги ўйинини 24 ноябрь куни бўлиб ўтадиган Португалия терма жамоаси билан дуелдан бошлайди.
