Бразилия футбол федерацияси Пеп Гвардиолани миллий терма жамоага бош мураббий этиб тайинлашга ҳаракат қилганди.
"Энди мен ўз номимдан гапираман, федерация номидан эмас, лекин уч йил олдин бир вице-президент, менинг ҳамкасбим бор эди, у Гвардиола билан Бразилия терма жамоасида ишлаш борасида боғланган эди.
Гвардиола музокараларга очиқ, лекин йилига 24 миллион евро маош олмоқчи эди. У ерда Титени алмаштириш ҳақидаги суҳбатда бундай маош эълон қилинганида, мен деярли юрак хуружига дучор бўлдим ”, деди Бразилия футбол федерацияси вице-президенти Франсиско Новеллетто Grenel радиосида.
