"Челси" ва Марокаш терма жамоаси ярим ҳимоячиси Хаким Зиеш "Милан"ни қишки трансфер ойнасида уни сотиб олишга ишонтириш учун ЖЧ-2022да ўзини кўрсатмоқчи, деб хабар беради Calciomercato.

Ёзда "Милан" 29 ёшли вингерни қўлга киритиш имкониятини кўриб чиқаётган эди, бироқ Стефано Пиоли жамоаси чекланган бюджет туфайли трансферни амалга ошира олмади.

Бир йил аввал Зиеш бош мураббий Воҳид Ҳалилходжич билан можаро туфайли Марокаш терма жамоасидаги фаолиятини якунлаганини маълум қилганди. Бироқ мураббий алмашганидан сўнг футболчи халқаро фаолиятини давом эттирди.

Transfermarkt.com портали футболчининг нархини 38 миллион еврога баҳоламоқда. Унинг "кўклар" билан шартномаси 2025 йилгача мўлжалланган.