Москванинг “Торпедо” клуби ва Ўзбекистон миллий терма жамоаси ҳужумчиси Хожимат Эркинов Россия терма жамоаси билан бўладиган ўртоқлик учрашувидан олдинги фикрлари билан ўртоқлашди.
"Бу жуда яхши ўйин бўлади. Россия кучли жамоа ва биз унга қарши курашишга тайёрланяпмиз. Фақат охирги ўйиндан кейин ҳамма ҳам ўзини тиклай олмади. Аммо бир кун бор, ҳаммамиз оптимал ҳолатда бўламиз", - дея Эркиновнинг сўзларидан иқтибос келтирмоқда "Матч ТВ".
Футболчи Ўзбекистоннинг ўз уйидаги ҳар бир ўйини мухлислар учун байрам эканлигини, шу боис жамоа тарихга яхши нуқтаи назардан кириб бориш учун ғалаба қозонишга ҳаракат қилишини айтди.
Ўзбекистон - Россия ўртасидаги назорат ўйини эртага, 20 ноябрь куни бўлиб ўтади. Беллашув Тошкент вақти билан соат 17:00да бошланади.
