Россия терма жамоаси бош мураббийи Валерий Карпин Ўзбекистон билан ўртоқлик учрашуви арафасида жамоанинг кайфияти ҳақидаги саволга жавоб берди.
"Тожикистондан кейин оддий кайфиятдамиз. Чалов ўйнамайди, у бугун Москвага учиб кетди. Песьяков ҳам. Унинг тўпиғи билан боғлиқ жароҳати бор", - деди Карпин Россиянинг "Чемпионат" сайтига берган интервьюсида.
Аввалроқ, ҳужумчи Фёдор Чалов вирусли инфекция сабабли жамоа таркибини тарк этгани, дарвозабон Сергей Песьяков эса Тожикистон билан ўйинда (0:0) жароҳат олгани ҳақида хабар берилганди.
Россия ва Ўзбекистон терма жамоалари ўртасидаги назорат учрашуви 20 ноябрь куни бўлиб ўтади, учрашув Тошкент вақти билан соат 17:00да бошланади.
