Rossiya terma jamoasi bosh murabbiyi Valeriy Karpin O‘zbekiston bilan o‘rtoqlik uchrashuvi arafasida jamoaning kayfiyati haqidagi savolga javob berdi.
"Tojikistondan keyin oddiy kayfiyatdamiz. Chalov o‘ynamaydi, u bugun Moskvaga uchib ketdi. Pesyakov ham. Uning to‘pig‘i bilan bog‘liq jarohati bor", - dedi Karpin Rossiyaning "Chempionat" saytiga bergan intervyusida.
Avvalroq, hujumchi Fyodor Chalov virusli infeksiya sababli jamoa tarkibini tark etgani, darvozabon Sergey Pesyakov esa Tojikiston bilan o‘yinda (0:0) jarohat olgani haqida xabar berilgandi.
Rossiya va O‘zbekiston terma jamoalari o‘rtasidagi nazorat uchrashuvi 20 noyabr kuni bo‘lib o‘tadi, uchrashuv Toshkent vaqti bilan soat 17:00da boshlanadi.
