Мадриднинг “Реал” клуби Дортмунднинг “Боруссия” клуби ярим ҳимоячиси Жуд Беллингемга қизиқиш билдирмоқда. Бироқ испан клуби футболчи учун талаб қилинадиган 150 миллион еврони тўлашга тайёр эмас, деб ёзади Sport.es.
Беллингем жорий мавсумда “асаларилар” сафида 20 та ўйинда майдонга тушиб, 9 та гол урди ва 2 та голли узатмани амалга оширди.
19 ёшли футболчининг “Боруссия” билан шартномаси 2025 йилнинг ёзида якунига етади.
Англия терма жамоаси ярим ҳимоячиси учун "Манчестер Сити", "Манчестер Юнайтед", "Челси" ва "Ливерпуль" ҳам кураш олиб бормоқда.