Германия терма жамоаси ва “Бавария” дарвозабони Мануэль Нойер Дортмунднинг “Боруссия” клуби ҳужумчиси Юсуф Мукокога Мюнхен клубига ўтишни маслаҳат берди.
Футболчилар матбуот анжуманида журналистларнинг саволларига жавоб беришди. Мухбирлардан бири Мукокодан келажаги ҳақида сўради, шундан сўнг Нойер: "Баварияга ўтинг", - деб жавоб берди.
17 ёшли Мукоко 2020 йилдан буён "Боруссия"нинг асосий жамоасида ўйнаб келмоқда. У 44 та ўйинда майдонга тушиб, 11 та гол урган. Жорий мавсумда ҳужумчи барча турнирларда 22 та ўйин ўтказиб, 6 та гол урди ва 5 та голли узатмани амалга оширди.
