Ҳозирда ишсиз бўлган германиялик мутахассис Томас Тухель фаолиятини Италия топ-клубида давом эттириши мумкин. Бу ҳақда The Sun нашри хабар бермоқда.
Туриннинг "Ювентус" клуби "ПСЖ" ва "Челси"нинг собиқ устози хизматларига қизиқиш билдирмоқда. "Кекса синьора" раҳбарияти Массимилиано Аллегри бошчилигидаги жамоанинг натижаларидан норози ва янги мураббий изламоқда. Клуб вакиллари аллақачон Тухель билан боғланишган. Агар томонлар рози бўлса, шартнома яқин вақт ичида имзоланиши мумкин.
Жорий мавсумда "Ювентус" Чемпионлар лигасининг плей-офф босқичига чиқа олмади ва А Серияда 15 турдан кейин учинчи ўринда бормоқда.
