Бельгиялик Юри Тилеманс "Лестер" билан янги шартнома имзоламайди. 25 ёшли ярим ҳимоячи ушбу мавсумни жамоада якунлайди, шундан сўнг у эркин агентга айланади. Бу ҳақда инсайдер Фабрицио Романо ижтимоий тармоқлар орқали маълум қилди.
Аввалроқ ОАВда Тилемансга асосий даъвогар Лондоннинг "Арсенал" клуби эканлиги ҳақида хабарлар тарқалган эди. Юрининг қишки трансфер ойнасида "канонирлар" сафига қўшилиш эҳтимоли ҳам инкор этилмайди.
Бельгиялик футболчи Англия Премьер-лигасининг жорий мавсумида 15 та ўйинда майдонга тушиб, 3 та гол урди ва битта голли узатмани амалга оширди. У 2019 йилнинг ёзидан бери “Лестер” сафида ўйнайди.
