"Реал" бош мураббийи Жозе Моуриньо жамоасининг Эйсебио кубогида "Бенфика"дан 2:5 ҳисобида мағлубиятга учраганини фожеа деб билмайди, дея хабар беради испан матбуоти.
"Агар "Реал"нинг мағлубияти испанлар учун фожеа бўлса ва португаллар учун байрам бўлса - бу уларнинг муаммоси. Мен эришган 19 та совринларнинг бирортасини мавсум оралиғида ютмаганман. Бу биз учун яхшигина тажриба бўлди.
Мен ўз ўйинчиларимдан мамнунман, улар яхши ўйнадилар. Бизга осон бўлмаслигини билар эдик. Биз учун мавсумга ҳақиқий тайёргарлик эртадан бошланади", - дейди Моуриньо ўйиндан сўнг.
