Англия терма жамоаси ҳужумчиси Харри Кейн жорий мавсум якунида «Олтин бутса» соҳиби бўлиш эҳтимоли ҳақида гапирди.
“Мен доим «Олтин бутса» каби нарсалар ҳақида ўйламасликка ҳаракат қиламан. Энг муҳими, жаҳон чемпионатида ғалаба қозонишга ҳаракат қилиш ва мен ҳам, жамоам ҳам шунга эътибор қаратганман.
Олдинда бизни қийин йўл кутиб турганини биламиз, лекин биз уни муваффақиятли енгиб ўтишга ҳаракат қиламиз", - дейди Кейн.
Эслатиб ўтамиз, ЖЧ-2022да Англиянинг Б гуруҳидаги рақиблари АҚШ, Эрон ва Уэльс терма жамоалари бўлади.
Гарет Саутгейт шогирдлари 21 ноябрь куни 1-турда Эронга қарши баҳс олиб боради.
