Каталониянинг "Барселона" ва Испания терма жамоасининг афсонавий ярим ҳимоячиси Андрес Иньеста "Манчестер Сити" ҳужумчиси Эрлинг Холанд ҳақида ўз фикрлари билан ўртоқлашди.
"Мен Эрлингни кўп кузатиб бормадим, лекин у ҳужумдаги "йиртқичлиги" аниқ. У Месси ва Роналдунинг гол уриш рекордини янгилайдими? Агар Холанд ҳозирги ўйинини сақлаб қолса, буни уддалай олади. Гарчи Лионель ва Криштианудан ўзиб кетиш анча қийин бўлса ҳам", - дея Андреснинг сўзларидан иқтибос келтиради АS.
Холанд "Манчестер Сити"га ёзги трансфер ойнасида қўшилди. Жорий мавсумда норвегиялик тўпурар 17та ўйинда иштирок этиб, 23та гол ва 7та голли узатмани амалга оширди.
