Қатарда бўлиб ўтаётган ЖЧ-2022ни ўтказиб юбораётган ҳужумчи Садио Мане Сенегал терма жамоасининг жаҳон чемпионатидаги имкониятлари ҳақида гапирди.
“Бугун Сенегал жаҳон чемпионатида курашни бошлайди. Ишончим комилки, жамоа юқори ўйин кўрсатади ва ҳар бир ўйинга худди финальдек ёндашади. Бутун мамлакат йигитларни телевизор экранларида қўллаб-қувватлайди. Менинг шерикларим Сенегал учун курашади, улар ягона организм сифатида бирлашадилар", - деб ёзди Садио ижтимоий тармоқда.
Сенегал жаҳон чемпионатини Нидерландия терма жамоасига қарши бошлайди. Учрашув бугун, 21 ноябрь куни бўлиб ўтади.
