Шотландия “Рейнжерс” жамоаси нидерландиялик мутахассис Жованни ван Бронхорстни бош мураббийликдан бўшатганини эълон қилди. Бу ҳақда Глазго жамоаси сайти хабар берди.
47 ёшли Жованни ван Бронхорст 2021 йилнинг ноябридан бери “Рейнжерс”ни бошқариб келаётган эди. Унинг жамоаси Шотландия чемпионатининг 15-туридан сўнг 33 очко билан турнир жадвалида пешқадам “Селтик”дан 9 очко ортда қолиб, иккинчи ўринда бормоқда. Чемпионлар лигасида “Рейнжерс” “Ливерпуль”, “Наполи” ва “Аякс” билан бир гуруҳда бирорта ҳам очко ололмади.
Аввалроқ футболчилик фаолияти давомида “Арсенал” ва “Барселона”да ўйнаган ван Бронхорст “Фейеноорд” ва “Гуанчжоу” клубларини бошқарган.
