Португалиялик собиқ футболчи Паулу Футре «Манчестер Юнайтед» ҳужумчиси Криштиану Роналду ва бош мураббий Эрик тен Хаг ўртасидаги можарога муносабат билдирди.
Яқинда берган интервьюсида форвард голландиялик мутахассисни ҳурмат қилмаслигини айтганди.
«Тен Хаг Криштиануни бир неча дақиқага майдонга туширишга қарор қилгани менга ёқмайди. Бу Роналдуга нисбатан ҳурматсизликдир.
Бу йигитнинг бешта «Олтин тўп»и бор, унга бундай қила олмайсиз. Мураббий уни камситишга уринди», - дейди Футре.
Яқин орада Роналду ва «қизил иблислар» ўртасидаги шартнома бекор қилиниши кутилмоқда. Айни дамда КриРо Португалия терма жамоаси билан Қатардаги жаҳон чемпионатида иштирок этмоқда.
